Santo Rosario en latín.

Santii Rosarii 

Per signum Sanctæ Crucis ✠ de inímicis nostris ✠ líbera nos, Deus noster ✠. In nómine Patris, et † Filii, et Spíritus Sancti. Amen.

Confíteor

Confíteor Deo omnipoténti, beátæ Maríæ semper Vírgini, beáto Michaéli Archángelo, beáto Joánni Baptístæ, sanctis Apóstolis Petro et Paulo, ómnibus Sanctis, et tibi, pater: quia peccávi nimis cogitatióne, verbo et opere: mea culpa, mea culpa, mea máxima culpa. Ideo precor beátam Maríam semper Vírginem, beátum Michaélem Archángelum, beátum Joánnem Baptístam, sanctos Apóstolos Petrum et Paulum, omnes Sanctos, et te, pater, orare pro me ad Dóminum, Deum nostrum. Amen.

V. Dignare me laudare te, Virgo Sacrata.

R. Da mihi virtutem contra hostes tuos.

V. Domine, labia mea aperies.

R. Et os meum annuntiabit laudem tuam.

V. Deus, in adjutorium meum intende.

R. Domine, ad adjuvandum me festina.

Ave María

Ave Maria, gratia plena; Dominus tecum: benedícta tu in muliéribus, et benedíctus fructus ventris tui Jesus. Sancta Maria, Mater Dei, ora pro nobis peccatóribus, nunc et in hora mortis nostræ. Amen.

Gloria

Glória Patri, et Fílio, et Spirítui Sancto. Sicut erat in princípio, et nunc, et semper, et in sǽcula sæculórum. Amen.

Oratio Fátima

O mi Jesu, dimítte nobis débita nostra, líbera nos ab ígne inférni, conduc in cælum omnes ánimas, præsértim illas quae maxíme indigent misericórdia tua. 

Símbolum Apostolórum 

Credo in Deum, Patrem omnipoténtem, Creatórem cæli et terræ. Et in Jesum Christum, Fílium ejus únicum, Dóminum nostrum: qui concéptus est de Spíritu Sancto, natus ex María Vírgine, passus sub Póntio Piláto, crucifíxus, mórtuus, et sepúltus: descéndit ad ínferos; tértia die resurréxit a mórtuis; ascéndit ad cælos; sedet ad déxteram Dei Patris omnipoténtis: inde ventúrus est judicáre vivos et mórtuos. Credo in Spíritum Sanctum, Sanctam Ecclésiam Cathólicam, Sanctórum communiónem, remissiónem peccatórum, carnis resurrectiónem, vitam ætérnam. Amen.

Mystéria Gaudiósa

(Lunes y jueves) 

1º Beátæ Maríæ Vírginis anuntiatiónem contemplámur, et humílitas pétitur. 

2º Beátæ Maríæ Vírginis visitatiónem contemplámur, et charitas ad fratres pétitur.

3º Dómini Nóstri Jésu Chrísti nativitátem contemplámur, et paupertátis spíritus pétitur. 

4º Dómini Nóstri Jésu Chrísti presentatiónem in templo contemplámur, et obediéntia pétitur. 

5º Dómini Nóstri Jésu Chrísti inventiónem in templo contemplámur, et Déum inquæréndi volúntas pétitur. 

Mystéria Dolorósa

(Martes y viernes) 

1º Dómini Nóstri Jésu Chrísti oratiónem in horto contemplámur, et dólor pro peccatis nostris pétitur. 

2º Dómini Nóstri Jésu Chrísti flagellatiónem contemplámur, et córporum nostrórum mortificátio pétitur. 

3º Dómini Nóstri Jésu Chrísti spinis coronationem contemplámur, et supérbiæ mortificatio pétitur. 

4º Dómini Nóstri Jésu Chrísti crucis baiulatiónem contemplámur, et patiéntia in tribulatiónibus pétitur.

5º Dómini Nóstri Jésu Chrísti crucifixiónem et mortem contemplámur, et súi ipsíus donum ad animárum redemptiónem pétitur.

Mystéria gloriósa

(Miércoles, sábado y domingo)

1º Dómini Nóstri Iésu Chrísti resurrectiónem contemplamur, et fídes pétitur. 

2º Dómini Nóstri Iésu Chrísti in cælum ascensiónem contemplamur, et spes pétitur. 

3º Spíritus Sáncti descensiónem contemplamur, et cháritas ad Deum pétitur. 

4º Beátæ Maríæ Vírginis in cælum assumptiónem contemplamur, et bene moriéndi gratia pétitur. 

5º Beátæ Maríæ Vírginis coronatiónem contemplamur, et fidúcia in María Regína Nostra pétitur. 

Pater noster

Pater noster, qui es in cælis, sanctificétur nomen tuum: advéniat regnum tuum: fiat volúntas tua, sicut in cælo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris: et ne nos indúcas in tentatiónem: sed líbera nos a malo. Amen.

Ave Maria Sanctissima, Dei Patris Filia, Virgo purissima ante partum, gratia plena; Dominus tecum: benedícta tu in muliéribus, et benedíctus fructus ventris tui Jesus. Sancta Maria, Mater Dei, ora pro nobis peccatóribus, nunc et in hora mortis nostræ. Amen.

Ave Maria Sanctissima, Dei Filii Mater, Virgo purissima in partu, gratia plena; Dominus tecum: benedícta tu in muliéribus, et benedíctus fructus ventris tui Jesus. Sancta Maria, Mater Dei, ora pro nobis peccatóribus, nunc et in hora mortis nostræ. Amen.

Ave Maria Sanctissima, Dei Spiritus Sancti Sponsa, Virgo purissima post partum, gratia plena; Dominus tecum: benedícta tu in muliéribus, et benedíctus fructus ventris tui Jesus. Sancta Maria, Mater Dei, ora pro nobis peccatóribus, nunc et in hora mortis nostræ. Amen.

Ave Maria Sanctissima, templum, thronum ac sacrarium Beatissimae Trinitatis, Virgo sine labe originali concepta.

Deus, cujus Unigénitus per vitam, mortem et resurrectiónem suam nobis salútis ætérnæ praemia comparávit: concéde, quaesumus; ut, hæc mystéria sacratíssimo beátæ Maríæ Vírginis Rosário recoléntes, et imitémur, quod cóntinent, et quod promíttunt, assequámur. Per eundem Christum Dóminum nostrum. Amen.

Salve Regína, Mater misericórdiæ, vita, dulcédo, et spes nostra, salve. Ad te clamámus éxsules filii Evae. Ad te suspirámus, geméntes et fléntes in hac lacrimárum valle. Eia, ergo, Advocáta nostra, illos tuos misericórdes óculos ad nos convérte. Et Jesum, benedíctum fructum ventris tui, nobis post hoc exílium osténde. O clemens, O pia, O dulcis Virgo María. Amen.

V. Kýrie, eléison. 

R. Kýrie, eléison.

V. Christe, eléison. 

R. Christe, eléison.

V. Kýrie, eléison. 

R. Kýrie, eléison.

V. Christe, audi nos. 

R. Christe, audi nos.

V. Christe, exáudi nos. 

R. Christe, exáudi nos.

V. Pater de cælis Deus, 

R. Miserére nobis.

V. Filii Redemptor mundi Deus,

R. Miserére nobis.

V. Spíritus Sancte Deus,

R. Miserére nobis.

V. Sancta Trinitas, unus Deus,

R. Miserére nobis.

Sancta María,                       R. Ora pro nobis.

Sancta Dei Genetrix,

Sancta Virgo virginum,

Mater Christi,

Mater Ecclesiae,

Mater Divinae gratiae,

Mater purissima,

Mater castissima,

Mater inviolata,

Mater intemerata,

Mater amabilis,

Mater admirabilis,

Mater boni Consilii,

Mater Creatoris,

Mater Salvatoris,

Mater Eucaristiae,

Virgo prudentissima,

Virgo veneranda,

Virgo praedicanda,

Virgo potens,

Virgo clemens,

Virgo fidelis,

Speculum iustitiae,

Sedes sapientiae,

Causa nostrae laetitiae,

Vas spirituale,

Vas honorabile,

Vas insigne devotionis,

Rosa mystica,

Turris Davidica,

Turris eburnea,

Domus aurea,

Foederis arca,

Ianua caeli,

Stella matutina,

Salvationis arca,

Mystica civitas Dei,

Adoratrix perpetuam Iesus Eucaristiae,

Salus infirmorum,

Refugium peccatorum,

Consolatrix afflictorum,

Auxilium Christianorum,

Corredemptora humani genus.

Mediatrix omnia gratiarum.

Terror daemonium,

Exterminatrix omnia heresiae.

Regina Immaculata.

Regina Angelorum,

Regina Patriarcharum,

Regina Prophetarum,

Regina Apostolorum,

Regina Martyrum,

Regina Confessorum,

Regina Virginum,

Regina Sanctorum omnium,

Regina sine labe originali concepta,

Regina in caelum assumpta,

Regina Sanctissimi Rosarii,

Regina clerici,

Regina Ecclesiae,

Regina familiae,

Regina pacis,

V. Agnus Dei, qui tollis peccáta mundi. 

R. Párce nobis, Dómine.

V. Agnus Dei, qui tollis peccáta mundi. 

R. Exáudi nobis, Dómine.

V. Agnus Dei, qui tollis peccáta mundi. 

R. Miserére nobis.

V. Ora pro nobis, Sancta Dei Génetrix,

R. Ut digni efficiamur promissionibus Christi.

Orémus 

Concéde nos fámulos tuos, quæsumus, Dómine Deus, perpétua mentis et córporis sanitáte gaudére: et, gloriósa beátæ Maríæ semper Vírginis intercessióne, a præsénti liberári tristítia, et ætérna pérfrui lætítia. Per Christum Dóminum nostrum. Amen.

Memoráre, O piíssima Virgo María, non esse auditum a sæculo, quemquam ad tua currentem præsídia, tua implorántem auxília, tua peténtem suffrágia, esse derelictum. Ego tali animátus confidentia, ad te, Virgo Virginum, Mater, curro, ad te venio, coram te gemens peccátor assisto. Noli, Mater Verbi, verba mea despícere; sed audi propitia et exáudi. Amen.

Sub tuum præsídium confúgimus, sancta Dei Génetrix; nostras deprecatiónes ne despícias in necessitátibus; sed a perículis cunctis líbera nos semper, Virgo gloriósa et benedícta. Amen.

Magníficat † ánima mea Dóminum. Et exsultávit spíritus meus: in Deo, salutári meo. Quia respéxit humilitátem ancíllæ suæ: ecce enim ex hoc beátam me dicent omnes generatiónes. Quia fecit mihi magna, qui potens est: et sanctum nomen ejus. Et misericórdia ejus, a progénie in progénies: timéntibus eum. Fecit poténtiam in bráchio suo: dispérsit supérbos mente cordis sui. Depósuit poténtes de sede: et exaltávit húmiles. Esuriéntes implévit bonis: et dívites dimísit inánes. Suscépit Israël púerum suum: recordátus misericórdiæ suæ. Sicut locútus est ad patres nostros: Ábraham, et sémini ejus in sæcula. 

Per signum Sanctæ Crucis ✠ de inímicis nostris ✠ líbera nos, Deus noster ✠. In nómine Patris, et † Filii, et Spíritus Sancti. Amen.